Modulning maqsadi raqamli ta’lim taqdim etayotgan salohiyatdan optimal foydalanish maqsadida kattalar o‘qituvchilarining raqamli ko‘nikmalarini takomillashtirish, shuningdek, o‘quvchilarning raqamli ko‘nikmalarini yaxshilash uchun ularning kasbiy rivojlanishiga asos yaratishdir
Ta’lim muhiti xalqaro kontekstda doimiy o‘zgarishlarga moyil; xususan, raqamli mediadan foydalanish sohasida sezilarli o'sish kuzatilmoqda. Bu butun dunyo bo’ylab kattalar ta’lim xizmatlariga ta’sir ko’rsatadi va kattalar ta’limi va o’qishi jarayonlariga raqamli mediani joriy etish imkoniyatini ta’minlash masalasida asosiy rol o’ynashi kerak bo’lgan kurs o’qituvchilariga yangi talablarni qo’yadi.
“Kattalar ta’limi va o’qishida raqamli didaktika va ta’lim jarayonlari” mavzusiga bag‘ishlangan ushbu modulning maqsadi raqamli ta’lim taqdim etayotgan salohiyatdan optimal foydalanish maqsadida kattalar o‘qituvchilarining raqamli ko‘nikmalarini takomillashtirish, shuningdek, o‘quvchilarning raqamli ko‘nikmalarini yaxshilash uchun ularning kasbiy rivojlanishiga asos yaratishdir.
Ushbu modul Curriculum globALE uchun qo'shimcha modul hisoblanadi, lekin undan mustaqil ravishda foydalanish mumkin.
Curriculum globALE (CG) - bu butun dunyo bo'ylab kattalar uchun kattalar ta’limi va o'qishi mavzusiga qaratilgan madaniyatlararo asos dasturidir.
U Germaniya Kattalar Ta'limi Instituti (DIE) va Nemis Xalq Universitetlari Assotsiatsiyasining Xalqaro hamkorlik instituti (DVV International) tomonidan birgalikda ishlab chiqilgan. Curriculum globALE o'quv dasturi bir nechta modullardan iborat bo'lib, kurs o'qituvchilari e'tibor berishlari mumkin bo'lgan kattalar ta'limi va o’qishi sohasidagi tegishli vakolatlarni tavsiflaydi.
